لما اعدي من امام مجلس الدوله الاقي ناس رافعه رايات كبيره مرسوم عليها شهداء الثوره .... احس اني سلامه من فيلم و اسلاماه ... قاعد بقالي سنتين اقول التتار جايين .. و الناس في وادي تاني.
السياسيين في صراع مميت علي السلطه و لا في بالهم الشعب، الشعب اهم حاجه عنده الثوره و مش هامه مصر، الحاله الاقتصاديه كل يوم في انهيار، الخدمات اصبحت في حاله يرثي لها، الشرطه في الطريق لفقد السيطره، الجيش مازال متماسك -إلي حد ما لا يعلمه الا الله- و الجبهه الداخليه في توتر تام من مظاهرات و اعتصامات.
و بعد كل ده يطلع فريد الديب يقول ان الرئيس حسني مبارك يطالب الشعب بالالتفاف حول مرسي - طبعا ده كلام ما يطلعش غير من شخص محترم و مصر هي همه الاكبر- انا اظن ان مصر مقبله علي كارثه في القريب العاجل لان الرئيس مبارك لا يعطي هذه الاوامر هباء، ده رئيس و فاهم و عارف هم بيعملوا ايه بخبرته.
المشكله اني بقالي سنتين بقول التتار جايين و احنا في خطه و العدو علي الابواب ... و الناس بتسخر مني و شايفاني مجنون ... بالظبط سلامه في فيلم و اسلاماه.
بس المره ديه و لاول مره اعرف احساس غريب، التمني ان تكون علي خطاء، و الفرح إذا اتضح اني كنت مخطئ.
