riding with the king

I made my first step in Cairo in 1971 and I've been told,

To keep my brain sharp as a razor and my heart made of gold.

I have a gun hanging on my chest high,

And I'm defending my country until the day I die.

Don't you know I am riding with the king?

مبادئ

في حديث ودي بيني و بين احد الاصدقاء، كان صديقي يشيد بايام الملكيه و كيف كانت مصر جميله و متقدمه و تعتبر قطعه من اوروبا بمبانيها و حياتها المدنيه.

انا، و مع عدم كرهي لملوك الاسره العلويه و لكني مازلت لا انسي انهم عائله ليست مصريه حتي ان الملك فاروق لم يكن يتحدث العربيه بطلاقه و ان من وضعهم في سده الحكم هو المحتل التركي (ما نطلق عليه خطاء الخلافه العثمانيه) فمهما كانت المحاولات لا انسي ان فكره الخلافه هي فكره استعماريه بحته تجعلك ترضخ للمحتل لان معارضته هي معارضه للدوله الاسلاميه و معارضه الدوله الاسلاميه هي معارضه للاسلام و بالتالي الكفر و بذلك يجعل فكر معارضه الاحتلال في حد ذاته كفر بالاسلام.

نعود لحوار صديقي، قلت لصديقي: و لكن الاسره العلويه ليسوا مصريين و مصر كانت في هذا الانتعاش لان المتحكمين في مجريات الامور كانوا الانجليز، حتي انه عندما حاول الالمان دخول مصر من الصحراء الغربيه حاربهم الانجليز و ليس جيش مصر، فقد كان للبلاد الغربيه قواعد عسكريه كبيره في مصر و ذلك ما كان يرفضه دائما مبارك، فأيام الملك كان مرضي عنا من الغرب لاننا كنا تابعين و فقدنا هذا الامتياز عندما تحرر وطننا من هذه التبعيه و اصبح المتحكمين في مجريات الامور المصريه هم من الشعب المصري لاول مره منذ الاف الاعوام، و فوجئت بالرد.

كان رده مذهل حتي اني فقدت القدره علي النطق، قالي و ايه يعني ما نكون محتلين بس نعيش كويس و الناس تبقي مرتاحه، الصراحه ما فهمتوش يعني انت مشيت مع كارثه 25 يناير و نزلت التحرير و قرفتني في عيشتي بشعاراتك علشان الناس و الفقر و الكلام ده كله لكن مش همك مصر، يعني الحريه النزلت تهتف بيها ولا تفرق معاك المهم "الاوبيج" المهم انك تعيش احسن و تركب عربيه اكبر، لكن بلدك المات علشان يحررها ناس ولا فارقه معاك، حروب 1956، 1967 و 1973 و الشهداء و المصابين الراحوا فداء ارضنا دول استشهدوا علشان يجي واحد زيك يسيب الارض للمحتل.
المشكله اني لما انتفضت و و كيلت له السباب و الشتائم - هي مش عادتي لكني فقدت اعصابي- فوجئت برد اخر كاد يصيبني بأزمه قلبيه قالي بالحرف "انت فاكر ده رأيي انا بس ده رأي ناس كتير جدا علي فكره" انهرت يعني ارضي و ارض اجدادي من 7000 سنه اعرضها للاحتلال لان المحتل هايديني مرتب احسن و يعيشني احسن -ده علي حد قوله- ده انا اعيش في عشه و اشرب من زير و لا اجنبي يمس ارض بلدي يا واطي.
انا عاده من انصار جادلهم بالمعروف و بحاول اني احافظ علي هدوء اعصابي في المناقشه و لو حسيت اني هافقد اعصابي بانسحب لحد ما اهداء ... لكن لحد هنا و مقدرتش قومت مسحت بكرامته اجداده الارض، يعني بقه نكستكم ديه كل العاوزينه منها مصالح شخصيه ولا هاممكم البلد ولا ارض اجدادكم يعني مع اعتراضي الشديد علي عبد الناصر و العمله في مصر و الظباط الاحرار عموما لكن لابد من الاعتراف انهم اول مصريين يحكموا مصر من ايام احتلال الاسكندر الاكبر مصر.
و مع احترامي الشديد للسادات و اعتقادي انه كان بدايه عصر مصري جديد لكن بدون مبارك لم يكن يمكن لمصر الاستمرار في هذا التقدم.
طبعا ناس ممكن تعترض علي رأيي في مبارك لكن المايشوفش من الغربال يبقي اعمي و الماشفش التقدم الحصل يبقي لازم يركب نظاره لانه كان في غيبوبه.

طبعا مش كل الثوار كده لكن الحصل خلاني اعرف ازاي فيه ناس ما عندهاش مبادئ ولا وطنيه، و بينادوا بحاجات تظنها سليمه و تحس انهم ملائكه و هم في الحقيقه ابعد ما يكونوا عن الانسانيه.
الصراحه بعد المناقشه ديه ما قدرتش ابص في وشه تاني صحيح علي رأي المثل "العنده دم انضف من العنده قرش"