لما اقول ان 25 يناير هتعمل كارثه في مصر و
ميصدقنيش و الكارثه تحصل
لما اقول الاخوان هامسكوا الحكم و هيودونا في
داهيه ... يقولي غلط هايكونوا احسن من الفلول و اطلع صح
لما اقول مش هايمشوا بسهوله و هايعملوا كوارث ... و يقولي هانشيله زي
القبله ... و ميعرفش يشيله الا لما الجيش يتدخل و اطلع صح
لما اقوله مبارك بطل ... يقولي ده خاين ... اقوله لو خاين الغرب مش
متمسك بيه ليه ... يقولي اصله كارت و اتحرق ... يقوم لما مرسي يعزل ... طوب الارض
من الغرب يجيله و مستميتين في الدفاع عنه مع ان خروج الشعب عليه ده معناه انه كارت
و احترق ... لكن الغرب كان ضد مبارك لانه كان موريهم الويل ... و اطلع صح برضه
لما اقول ان 6 ابريل و الالتراس و البرادعي دول الذراع الليبرالي
للإخوان ... يقولي انت عندك وسواس ... و اول ما يسقط مرسي ... 6 ابريل يطلعوا
يقولوا لا إقصاء للإخوان و اعتراضنا علي مرسي كشخص انما الاخوان فصيل سياسي و هم
نفسهم الكانوا بينادوا لاقصاء الحزب الوطني و قانون العزل السياسي ... و البرادعي
يحاول يجس نبض الشارع و يطلع يقول خروج امن للإخوان و لا إقصاء ليهم ... ولما
الناس تقلب عليه .. يقول لا انا قلت لو التهم مش كبيره زي ما يكون مش عايش في
الدنيا و مش عارف هم عملوا ايه .... و اطلع صح برضه.
يقوم العبيط ابن العبيط يطلع تاني يقولي الثوره مستمره و يسقط حكم
العسكر ... و النبي ده يتقاله ايه ... يعني عاوز ايه اكتر من كده اثبات انك كنت
ضحيه مؤامره في 25 يناير و انك عبيط اتضحك عليك و مشيت و را ناس خونه ... صحيح
الجهل علاجه الثقافه و الإنصات اما الغباء فلا شفاء منه.
