كيفيه عمل الجمعيات الخيريه

عارفين الجمعيات زي رسالة و الاورمان وبنك الطعام وغيرها من الجمعيات الاخوانية برعاية امريكية بتشتغل ازاي:

الجمعيات دي بتجمع تبرعات من الناس بالمليارات نفترض مثلا جمعية منهم جمعت 10 مليار جنيه في سنة . تصرف من 10 مليار 100 مليون مثلا على عمل الخير و 100 مليون علي الدعايه و التسويق من تلفزيون و خلافه وبكده تبقى أوجدت أمام الناس أنها جمعية خيرية وتضمن استمرار التبرعات من أهل الخير . بينما باقي المليارات تذهب الى جماعة الاخوان للانفاق على انشطتها من تدريب و تسليح و نفقات اخري للانتخابات (زيت و سكر و شنط رمضان و خلافه) و مرتبات لرجال دين لتسويق فكر الجماعه و مرتبات لليبراليين علشان المش عاجبه مشروع اخواني او اسلامي. وبذلك تقوم هذه الجمعيات بتمويل الاخوان وأنشطتهم ومشاريعهم و نظامهم الخاص. و بالطبع كل ذلك تحت الحماية الأمريكية ورعاية الشركات الأمريكية مثل ميكروسوفت وكاكولا وبيبسي تقوم أيضا هذه الجمعيات بتنفيذ سياسات أمريكية مثلما حدث مؤخرا مع اعلانات بنك الطعام التي تستهدف اشعال الأحقاد الطبقية والفتن في مصر تنفيذا لمشروع الفوضى الخلاقة الأمريكي .

 اه علي فكره ال 10 مليار دول مش كلهم تبرعات اهل الخير مليار من اهل الخير ... اما الباقي... ده اموال الجماعه من مصادرها غير المشروعه يتم غسلها من تجاره غير مشروعه و تمويل امريكي ... و هو فيه احسن من ان لما:

 السؤال "جبت الفلوس ديه منين"

 الجواب يكون "فاعل خير يرفض ذكر اسمه" 

اوهام الشهاده

طالع واحد في التليفزيون يقول حقوق الشهداء و الشهيد ما اخدش حقه ... حق ايه الهو عاوزه... الاعرفه ان الشهيد ده مؤمن بقضيه و بيحارب علشانها و لو مات بيكون مات فدا القضيه ... اما البيطالب بحقه ده بيكون مرتزق ... لو مات الاتفاق بيكون ان اهله بياخدوا تعويض ... هي الناس ديه ايه ما عندهاش دم ولا بيبيعوا عيالهم.

عمرك سمعت اهل شهداء حرب اكتوبر او النكسه او حتي حرب الاستنزاف طلبوا حقوق عيالهم الماتت، ده لانهم مؤمنين فعلا ان الماتو دول رجاله ماتت و هي بتدافع عن وطنها و ارضها ... يعني دول شهداء الوطن.

و بعدين هم لسه ما فهموش ان في 25 يناير الناس ديه ماتت علشان الاخوان يمسكوا الحكم و انه انضحك عليهم، .... حق ايه العاوزينه ... ده احنا العاوزين منهم تعويض علي الكارثه الحصلت للبلد.

فيه حاجه تانيه هو الماتوا قدام الاقسام ازاي نعتبره شهيد ... هم الظباط مش كانوا في حاله دفاع شرعي عن النفس و كلهم اخدوا برأه.

و الماتوا بقي في الميدان يا تري لو انت راجل بشع و فاسد و كل الكلام الفارغ القالوه علي الحكومه ده... تجيب قناصه تضرب شويه عيال مالهاش اي تلاتين لازمه في وسط المظاهره ولا تضرب الناس المقومه المظاهره و زعمائهم... طيب مين هايستفيد من قتل العيال ديه غير العاوزين يولعوا في الدنيا زياده ... اكيد مش الحكومه القايمه عليها المظاهرات لكن العاوزين المظاهرات تستمر و العنف يزيد.

و هم نفسهم المقتلوش حد و لا هاجموا اقسام في 30/6/2013 علشان ما تتقلبش عليهم لكن كانوا بيحموا مقراتهم بنفس القناصه... و دلوقت بيقتلوا برضوا ناس مالهاش لزمه في وسطهم علشان يولعوا الدنيا.

عارفين مين الخطر الحقيقي علي البلد ... مش الاخوان ولا السلفيين..... لا ... الخطر الحقيقي هم العيال الثورجيه و العصروا علي نفسهم لمون و اللسه بيقولوا يسقط حكم العسكر رغم ان كل المؤشرات تظهر انهم كانو مضحوك عليهم و ان الاخوان عملوهم كوبري علشان يوصلوا للحكم و ما عرفوش يعزلوا الاخوان الا بمساعده الفلول و الجيش و الشرطه ... هم دول اللازم يتعملهم عزل سياسي و يتعملهم اعاده تأهيل كمان.