طلب مني احد الاصدقاء لاني محامي ان اروح
معاه علشان يخلص ورق في مصلحه حكوميه. و مع ان اصدار نوعيه المستندات ديه مسأله بسيطه
و غير معقده لكن ما رضيتش اكسفه او احسسه اني مش عاوز اخدمه فوافقت اروح معاه.
اتقابلنا الصبح علي باب المصلحه و جاء هو و
مراته لان توقيعها ضروري.
المهم طلعنا خلصنا الورق و هانستني نستلم
المستند الرسمي، فاسألت الموظف قدامنا قد ايه، قالي ساعتين فقلتله هاسيبلك رقم
تليفوني و لما الورق يجهز ممكن تكلمني؟ الراجل طلع متعاون و وافق.
نزلنا احنا الثلاثه فصديقي قالي انت تعبت
معانا تعالي اعزمك علي الغدا قولتله لا تعالي نشرب قهوه انا مش جعان و ما شربتش قهوه الصبح ... بس و هنا بدأت
الاحداث الداميه.
مراته: تعالي نروح المول اشربو قهوه في ستاربكس و بعدين اشوف حاجه كنت عاوزه اشتريها
الزوج: لا يا حبيبتي انت عارفه اني مش بحب
قهوه ستاربكس خلينا نشرب قهوه في الكافيه القريب و بكره نشتري الانتي عاوزاه
الزوجه: طيب و ايه يعني لما تتنازل مره و تشرب قهوه برضه ... انت عارف اني لسه هادور علي الفستان علشان فرح سميره
الزوج: اه... اعترفي بقا ده مش داخلا اشتري حاجه بسرعه و كده ... ده تدوير و فرجه و شوبنج و قياس و ليله ... و احنا هانروح نستلم الورق و نرجعلك و الليله ديه هاتخلص و انا و الراجل ده بنتعشي في المول
الزوجه: و ايه يعني لما تسستناني شويه و انا بشتري حاجه محتاجاها و كمان معاك واحد صاحبك يعني مش لاطعاك لوحدك ولا اي حاجه.
الزوج: لا حضرتك ده احنا كده نطلع معاكي علي المول نشتري انا و المتر بيجامات و لكلوك و فرشه سنان و فوط ... ده احنا رايحين علي بيات يا متر
انا: و بطانيه و النبي علشان ببرد بليل
الزوجه: واجب و الله يا متر يعملوا استراحه فيها سراير جوا المول للغلابه الزينا
الزوجه: انت دايما كده مش بتفكر غير في نفسك و في الانت عاوزه و انا اتحرق باحتياجاتي
الزوج: لا يا حبيبتي انتي العاوزه الكون كله يمشي علي هواكي و ياكش اولع انا و اي حد تاني
الزوجه: انت اصلا اناني و مش عاوز تعملي اي حاجه
الزوج: لا يا مادام حوشي التضحيه البتشر منك ده انا بقولك نيجي بكره و انت حتي ما تناقشتيش في الحل ده ... و كمان بتستعبطي و تقولي هاشتري حاجه و الموضوع فرجه و تدوير و ليله ملهاش اخر
الزوجه: انت اناني و عاوز كل حاجه منغير تنازلات
الزوج: انا اناني؟ احضرنا و النبي يا متر
الزوجه: ايوه شهد صاحبك انا موافقه علي الهايقوله
الزوج: طبعا ما انتي متأكده انه هايتكسف يطلعك غلطانه و هايجي عليا علشان هو متربي
الزوجه: لا و الله انا راضيا بحكمك يا متر لو انا غلطانه قولي
الصراحه ديه كانت فرصتي اني اقول للغلطان انت غلطان في وشه و انه اناني و واطي منغير ما يزعل
انا: يعني الهاقولوا هاتمشوه ... و الغلطان مش هايزعل من حكمي اي كان مين فيكم
الزوج: قول بحق ربنا ... لو قولت نروح معاها و الله لاروح و اعتزرلها كمان ... انا عارفك حقاني
الزوجه: و انا كمان و الله ما هنطق و هاعمل الهاتقول عليه ... و انشالا ما جبت الفستان و لا حتي رحت الفرح
انا: انتم الاتنين غلطانين .... كل واحد فيكم ما فكرش غير في نفسه ... كان ممكن حد فيكم يقترح نشتري قهوه من الكافيه البيحبه و ناخده نشربه و احنا بنتمشي في المول و انتي تتفرجي و تشتري الانتي عاوزاه ... انتي ما كنتيش صريحه و عاوزه تجري رجلينا للمول مع انك عارفه انك هاتتأخري و انت غلطان علشان عارف كده و ما هاودتهاش ... كان ممكن تعرفها انك فاهم خطتها و تتريق عليها شويه و تكسفها و ناخدها المول .... و انتي عارفه ان الهاتعمليه هايضايقه و الا ما كنتيش خبيتي فحبيتي تحطيه قدام الامر الواقع علشان ما يبقاش قدامه حل تاني و تعملي الانتي عاوزاه .... انتم الاتنين انانيين.
الاتنين وشهم اصفر و سكتوا خالص ... و كل واحد فيهم قعد يقول لا و الله ما كانش قصدي بس انا كنت عاوز و كان قصدي و كلام كده ما يوديش و لا يجيب
انا قاطعتهم في النص
انا: استنوا بس انا لسه ما خلصتش .... لسه في غلطه تبين انكم مش انانيين بس لا و كمان ما عندكمش لا ذوق و لا ادب
الاتنين سكتوا لما لقوني بشتم و بصولي
انا: اولا ولا حد فيكم فكر يسألني عندي وقت للعك ده و اللف ده ولا لأ و اعتبرتوني شيئ ممكن يطيعكم في اي حاجه و لا حد فكر حتي يسألني انا بحب انهي قهوه علشان تجاملوني و تتنازلوا و تشربو معايا القهوه الانا بحبها لاني نازل معاكم علشان حاجه ليكم انتم ... انا اصلا عاوز قهوه مظبوط بوش و لا ستاربكس بيقدمها و لا الكافيه التاني ده بيقدمها.
انت بقا يا حلوه خد مراتك خليها تلف في مول ما فيهوش حاجه تعجبها علشان تنكد عليها و خليها تروح الفرح بالفساتن الراحت بيه فرح عفاف السنه الفاتت علشان ديه اكتر حاجه هاتنكد عليها علي فكره و انتي يا اموره هاتيله قهوه من ستاربكس و شربيهاله بالعافيه علشان تنكدي عليه و هو بيلف معاكي في المحلات و بتقيسي قدامه حاجات مالهاش لازمه اصلا ... و انا شخصيا هاسيبكم و امشي علشان انتم رمم .... اه و علي فكره هاقفل تليفوني فا متنسوش تروحوا تقعدوا انتم الاثنين في صاله الانتظار لحد ما الورق يخلص .... يا رمم
و انا ماشي بقول في سري : "عالم وسخه" بصوت الشيخ حسني الله يرحمه
الزوجه: طيب و ايه يعني لما تتنازل مره و تشرب قهوه برضه ... انت عارف اني لسه هادور علي الفستان علشان فرح سميره
الزوج: اه... اعترفي بقا ده مش داخلا اشتري حاجه بسرعه و كده ... ده تدوير و فرجه و شوبنج و قياس و ليله ... و احنا هانروح نستلم الورق و نرجعلك و الليله ديه هاتخلص و انا و الراجل ده بنتعشي في المول
الزوجه: و ايه يعني لما تسستناني شويه و انا بشتري حاجه محتاجاها و كمان معاك واحد صاحبك يعني مش لاطعاك لوحدك ولا اي حاجه.
الزوج: لا حضرتك ده احنا كده نطلع معاكي علي المول نشتري انا و المتر بيجامات و لكلوك و فرشه سنان و فوط ... ده احنا رايحين علي بيات يا متر
انا: و بطانيه و النبي علشان ببرد بليل
الزوجه: واجب و الله يا متر يعملوا استراحه فيها سراير جوا المول للغلابه الزينا
الزوجه: انت دايما كده مش بتفكر غير في نفسك و في الانت عاوزه و انا اتحرق باحتياجاتي
الزوج: لا يا حبيبتي انتي العاوزه الكون كله يمشي علي هواكي و ياكش اولع انا و اي حد تاني
الزوجه: انت اصلا اناني و مش عاوز تعملي اي حاجه
الزوج: لا يا مادام حوشي التضحيه البتشر منك ده انا بقولك نيجي بكره و انت حتي ما تناقشتيش في الحل ده ... و كمان بتستعبطي و تقولي هاشتري حاجه و الموضوع فرجه و تدوير و ليله ملهاش اخر
الزوجه: انت اناني و عاوز كل حاجه منغير تنازلات
الزوج: انا اناني؟ احضرنا و النبي يا متر
الزوجه: ايوه شهد صاحبك انا موافقه علي الهايقوله
الزوج: طبعا ما انتي متأكده انه هايتكسف يطلعك غلطانه و هايجي عليا علشان هو متربي
الزوجه: لا و الله انا راضيا بحكمك يا متر لو انا غلطانه قولي
الصراحه ديه كانت فرصتي اني اقول للغلطان انت غلطان في وشه و انه اناني و واطي منغير ما يزعل
انا: يعني الهاقولوا هاتمشوه ... و الغلطان مش هايزعل من حكمي اي كان مين فيكم
الزوج: قول بحق ربنا ... لو قولت نروح معاها و الله لاروح و اعتزرلها كمان ... انا عارفك حقاني
الزوجه: و انا كمان و الله ما هنطق و هاعمل الهاتقول عليه ... و انشالا ما جبت الفستان و لا حتي رحت الفرح
انا: انتم الاتنين غلطانين .... كل واحد فيكم ما فكرش غير في نفسه ... كان ممكن حد فيكم يقترح نشتري قهوه من الكافيه البيحبه و ناخده نشربه و احنا بنتمشي في المول و انتي تتفرجي و تشتري الانتي عاوزاه ... انتي ما كنتيش صريحه و عاوزه تجري رجلينا للمول مع انك عارفه انك هاتتأخري و انت غلطان علشان عارف كده و ما هاودتهاش ... كان ممكن تعرفها انك فاهم خطتها و تتريق عليها شويه و تكسفها و ناخدها المول .... و انتي عارفه ان الهاتعمليه هايضايقه و الا ما كنتيش خبيتي فحبيتي تحطيه قدام الامر الواقع علشان ما يبقاش قدامه حل تاني و تعملي الانتي عاوزاه .... انتم الاتنين انانيين.
الاتنين وشهم اصفر و سكتوا خالص ... و كل واحد فيهم قعد يقول لا و الله ما كانش قصدي بس انا كنت عاوز و كان قصدي و كلام كده ما يوديش و لا يجيب
انا قاطعتهم في النص
انا: استنوا بس انا لسه ما خلصتش .... لسه في غلطه تبين انكم مش انانيين بس لا و كمان ما عندكمش لا ذوق و لا ادب
الاتنين سكتوا لما لقوني بشتم و بصولي
انا: اولا ولا حد فيكم فكر يسألني عندي وقت للعك ده و اللف ده ولا لأ و اعتبرتوني شيئ ممكن يطيعكم في اي حاجه و لا حد فكر حتي يسألني انا بحب انهي قهوه علشان تجاملوني و تتنازلوا و تشربو معايا القهوه الانا بحبها لاني نازل معاكم علشان حاجه ليكم انتم ... انا اصلا عاوز قهوه مظبوط بوش و لا ستاربكس بيقدمها و لا الكافيه التاني ده بيقدمها.
انت بقا يا حلوه خد مراتك خليها تلف في مول ما فيهوش حاجه تعجبها علشان تنكد عليها و خليها تروح الفرح بالفساتن الراحت بيه فرح عفاف السنه الفاتت علشان ديه اكتر حاجه هاتنكد عليها علي فكره و انتي يا اموره هاتيله قهوه من ستاربكس و شربيهاله بالعافيه علشان تنكدي عليه و هو بيلف معاكي في المحلات و بتقيسي قدامه حاجات مالهاش لازمه اصلا ... و انا شخصيا هاسيبكم و امشي علشان انتم رمم .... اه و علي فكره هاقفل تليفوني فا متنسوش تروحوا تقعدوا انتم الاثنين في صاله الانتظار لحد ما الورق يخلص .... يا رمم
و انا ماشي بقول في سري : "عالم وسخه" بصوت الشيخ حسني الله يرحمه