اريد حلا

لازم علشان نطلع من الاحنا فيه الاول يكون عندنا ثوابت نبداء منها: 

 

1. ان مصر فريسة لمؤامرة من اعدائها ينفذها المأجورين و الخونة لهدمها.
2. عبد الله بدر و ابو اسلام و حازم ابو إسماعيل دول مش شيوخ ولا يمثلوا الاسلام في شيئ و لكن مريديهم كثيرون.
3. علياء المهدي ديه مش حرية و لا ليبرالية دي بت لامؤخذه و لا تمثل الشعب المصري في شيئ ولا نساء مصر في شيئ.
4. البرادعي و زويل و امثالهم ليسوا وطنيين و لا يريدون مصلحة الوطن ابدا.
5. مرسي ليس رئيس مصر و لكنه رئيس اهله و عشيرته و لا يعمل إلا لمصلحة الجماعة و بأوامر من قادتها.
6. الشرطة تم تحييدها و اصبحت غير قادرة علي مقاومة الهرج و المرج لتقيدها من امراء الجماعة المحظورة.
7. الجيش مازال يقاوم و لا احد يعلم مدي الاختراق فيه و هل تم اختراقة ام لا.
8. القضاء يتم تدميرة الان بطريقة ممنهجة و فعالة.
9. مصر علي شفاه حفرة من نار إقتصاديا بعد ضياع اكثر من نصف الاحتياطي النقدي بالعملة الاجنبية و انهيار السياحة و هروب المستثمرين.
10. لن يترك الاخوان الحكم إلا بحرب اهلية و بدماء شعب مصر تملأ الشوارع.

بعد ده كله عاوز حد يقولي نخرج من الوحلة دي ازاي لاني ليس عندي ادني فكرة، و مش عاوز حد يقولي ان دي نتيجة فساد النظام السابق علشان النظام السابق كان ممشيها زي الفل و عمر ما حصل بلاوي زي ديه.

 

عاجبكو كده يا بتوع الثورة يا متنورين ... و بقول اهو يا متنورين ... علشان متنورين ديه مش هايفهم ناس كتير اقصد بيها إيه.

يا متنورين مش هانسيبهالكم.