كل ما اسافر بره مصر احس بنفس الاحساس، بحس ان مشكلة مصر الناس الهمج و لا حكومه كويسه هتنفع و لا اي حاجه هتصلح الخراب الحصل ده ... اقدر اقول ان 70% من المصريين همج ... فعلا فهمت قول الله تعالي:
بسم الله الرحمن الرحيم
"((إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ))" [الرعد:11]
"((إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ))" [الرعد:11]
ربنا ما يقصدش التمسك بالدين ... ربنا هنا يقصد الاخلاق و الفضيله ... انما تصلي و تحفظ القرأن ده لاخرتك و تتعلم منه الاخلاق لدنياك ... اهم حاجه تغير ما بك من اخلاق سيئة لاخلاق كريمه و تتمسك بالفضائل.
للأسف الاوروبيين اخلاقهم احسن مننا ... طبعا فيهم ناس زفت لكن الاغلبيه اخلاقهم جيده.
صدق الامام محمد عبده عندما قال
"رأيت في الغرب إسلاما بلا مسلمين ورايت في ديار الاسلام مسلمين بلا إسلام"
اخلاق زي ايه ... زي ناس تفضل تقول لواحد انت متجوزتش ليه او زي واحد يقول لواحد تاني انتم ليه مش بتخلفوا لازم تجيبوا عيال
او لازم تجيب تجيبله اخ او اخت
مع ان الرسول قال "من حسن اسلام المرء تركه ما لا يعنيه" رواه الترمذي
زي ناس تتكلم علي بعض و تنم علي بعض و يطلعوا اشاعات علي بعض،
زي واحد يكفر التاني لأنه لا يدين بنفس دينه ... و طبعا مش هاقولكم علي الكذب و الخناقات بين الجيران و اخذ حقوق الغير و بعد الربيع العربي مشاجرات بالاسحه في الشوارع.
و طبعا نسيو الايه الكريمة:
بسم الله الرحمن الرحيم
"يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين" [الحجرات:6]
"يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين" [الحجرات:6]
و صدقوا كل الاكاذيب عن فساد الحكم و ثروات مصر المنهوبه و عن المدينه الفاضله و ان مصر المفروض تكون احسن منها و 200 مليار دولار الهيجيبهم مرسي اول ما تنتخبوه و ال 70 ملياردولار ثروه مبارك و منجم السكري البياخده مبارك لنفسه و دخل قناة السويس المنهوب و حاجات تانيا كتير جدا.
يا ريت قبل ما تحاسبوا حكامكم حاسبو نفسكم و شوفوا الرشاوي المنتشر بين اصغر الموظفين و اكبرهم و العمال المعندهمش ضمير في شغلهم و الموظفين البياخدوا فلوس مش حقهم.
انا مش عارف اكتب ايه ولا ايه من سوء الاخلاق المنتشره في مصر انتشار النار في الهشيم ... لا و بعد كل ده يقوموا يصلوا جماعه.
انا كنت اعرف موظف كبير في مصلحة حكومية كاتب وراه بالكبير " اني اخاف ان عصيت ربي عذاب يوم عظيم" و كان قدام عيني بياخد رشاوي بمئات الالوف و بيصلي الفرض بفرضه في الجماعة، و علي شاكلته كتير مثله شفتهم بحكم عملي.
و عاوزين البلد تتصلح، ده عشم ابليس في الجنه" ده لو سيدنا محمد عليه الصلاه و السلام قام من موته و حكم مصر هيستعر مننا و يفضل العوده للموت.
انا كمان مش كامل بس علي الاقل بحاول اني اكون كويس بقدر الامكان، علشان ما يطلعليش واحد معقد نفسيا يقولي هو انت ملاك يعني، لا يا سيدي مش ملاك لكن علي الاقل شايف الغلط و عارف انه غلط و بحاول اكون كويس و بفكر قبل ما اعمل حاجه و لو غلطت باعترف و بتأسف، لكن للأسف فيه ناس شايفه الغلط و بتعمله و كمان فاكراه حقها.
No comments:
Post a Comment